ХБНГУ-ын Конрад Аденауер сангийн Монгол дахь суурин төлөөлөгчийн газраас “Монгол Улсын сэргээгдэх эрчим хүчний салбарын хөрөнгө оруулалт” сэдэвт арга хэмжээг 2024 оны 04 дүгээр сарын 26-ны өдөр зохион байгууллаа.
Тус арга хэмжээнд Шинэ сэргэлтийн бодлогын хурдасгуур төвийн Дэд бүтцийн хөгжлийн бодлогын газрын төлөөллүүд оролцсон бөгөөд арга хэмжээнд ХБНГУ-ын 2, БНХАУ-ын 1, Монгол Улсын 1 судлаач газрын гүний эрчим хүч, ногоон устөрөгч, тархмал эрчим хүчний боломж сэдвүүдээр тус бүр өөрсдийн илтгэлээ танилцуулав.
Оролцогчид Монгол Улсын сэргээгдэх эрчим хүчийг хэрхэн ашиглах, боломж, тулгарч буй хүндрэлүүд, гарц шийдлүүдийг нээлттэй хэлэлцлээ.
“Build Mongolia 2024” олон улсын барилга, уул уурхай, дэд бүтцийн техник, дэвшилтэд технологийн үзэсгэлэн 2024 оны 04 сарын 24-26 өдрүүдэд амжилттай зохион байгуулагдав. Тус үзэсгэлэнгийн үеэр эрчим хүчний форум зохион байгуулагдсан бөгөөд “Шинэ сэргэлтийн бодлогын хурдасгуур төв”-ийн төслийн менежер Э.Лхагвасүрэн “Сэргээгдэх эрчим хүчний экспортын тулгамдаж буй асуудал, боломж, шийдэл” сэдэвтэй танилцуулга хийлээ.
Алсын хараа 2050 болон Шинэ сэргэлтийн бодлогын 2.4.1 дэх зорилтын хүрээнд тус судалгааг хийсэн бөгөөд Монгол Улс сэргээгдэх эрчим хүчний нөөцөө ашиглан цахилгаан эрчим хүч үйлдвэрлэн экспортлох Азийн супер сүлжээнд холбогдох суурь нөхцөлийг бүрдүүлэх юм. Судалгаанд Монгол Улсын сэргээгдэх эрчим хүчний нөөц, боломж, БНХАУ-ын эрчим хүчний салбарын үзүүлэлт, цаашдын төлөвлөгөө, экспортын төслийн боломж, боломжит хувилбаруудын дэвшүүлсэн болно.
2024 оны 3 дугаар сарын 21, 22-ны өдрүүдэд АНУ-ын Хөгжлийн Агентлагийн хэрэгжүүлж буй Монголын Эрчим Хүчний Засаглал хөтөлбөрийн дэмжлэгтэйгээр Сэргээгдэх Эрчим Хүч Үйлдвэрлэгчдийн Холбоо сэргээгдэх эрчим хүчний хэрэглээг өргөжүүлж, хөгжлийг дэмжих зорилгоор “Тархмал эх үүсвэрийг түгээх сүлжээнд зэрэгцэн ажиллуулах нь” сэдэвт танхимын сургалтыг зохион байгууллаа.
Япон улсын Хирошима хотын дэвшилтэд IGCC технологи бүхий 166 МВт хүчин чадалтай нүүрсний цахилгаан станц “OSAKI COOLGEN”-нь нүүрсийг хийжүүлэх замаар цахилгаан үйлдвэрлэж СО2-ийг 90% хувьтай ялган цуглуулж давхар устөрөгч үйлдвэрлэх технологи бүхий станц юм.
Японы Олон улсын хамтын ажиллагааны байгууллага /ЖАЙКА/-аас хэрэгжүүлж буй “Сэргээгдэх эрчим хүчний хэрэглээг өргөжүүлэх зорилгоор эрчим хүчний системийг тогтворжуулах төсөл”-өөс 2023 оны 11 дүгээр сарын 07-15-ны хооронд Токио хотноо туршлага судлах арга хэмжээ зохион байгууллаа.
АНУ-ын Олон Улсын хөгжлийн агентлаг “Сэргээгдэх эрчим хүчний үйлдвэрлэгчдийн холбоо”-той хамтран “Олон улсын шинэ эрчим хүчний чуулган 2023” арга хэмжээг Улаанбаатар хотноо 2023 оны 9 дүгээр сарын. 28,29-ны өдрүүдэд зохион байгуулж байна.
Шинэ сэргэлтийн бодлогын Эрчим хүчний сэргэлтийн хүрээнд “Эрчим хүчний эх үүсвэр, дамжуулах, түгээх шугам сүлжээг шинээр барьж байгуулан хүчин чадлыг өргөтгөн нэмэгдүүлж, эрчим хүчний үйлдвэрлэл, хангамжийн найдвартай байдлыг дээшлүүлнэ“
Шинэ сэргэлтийн бодлогын Эрчим хүчний сэргэлтийн хүрээнд Японы Олон улсын хамтын ажиллагааны байгууллага (JICA)-тай эрчим хүчний салбарын санхүү, эдийн засаг бие даасан тогтолцоо руу хэрхэн шилжих замын зураглал болон эрчим хүчний тогтвортой байдлын талаар санал солилцов.
“The Future of Coal Baganuur 2023” Олон Улсын эрдэм шинжилгээний хурал, бизнес хамтын ажиллагааны форум Багануур дүүрэгт 2023 оны 8 ДУГААР САРЫН 24 нд болж өндөрлөлөө.
Шинэ сэргэлтийн бодлогын хурдасгуур төв УТҮГ ийн захирал Б. Дөлгөөн, Шинжлэх ухаан технологийн сангийн захирал Д.Одгэрэл нар өнөөдөр хамтын ажиллагааны санамж бичигт гарын үсэг зурлаа.