Нэмүү өртөг шингэсэн уул уурхай, хөдөө аж ахуйн эцсийн бүтээгдэхүүн боловсруулах үйлдвэрүүдийг үе шаттайгаар байгуулна.
Ашигт малтмалын тусгай зөвшөөрөл олголтыг бүрэн цахимжуулж, өртөг зардлыг бууруулан хөрөнгө оруулалтыг нэмэгдүүлж, дэвшилтэт техник, технологид суурилсан, нэмүү өртөг шингэсэн уул уурхайн бүтээгдэхүүний хэмжээг дээшлүүлэн эрдэс баялгийн баталгаат нөөцийг арвижуулна.
Нэмүү өртөг шингэсэн хүнд үйлдвэрлэлийг хөгжүүлж, дотоодын бүтээн байгуулалтын хэрэгцээг хангаж, экспортыг нэмэгдүүлнэ.
Газрын тосны баталгаат нөөцийг өсгөж, олборлолтыг нэмэгдүүлэх замаар дотоодын газрын тос боловсруулах үйлдвэрийг түүхий эдээр хангана.
Хөдөө аж ахуйн үйлдвэрлэлийг дэвшилтэт техник, технологи, инновацад тулгуурлан хөгжүүлж, шинэ бүтээгдэхүүн, үйлчилгээ болон үйлдвэрлэлийн хэмжээг нэмэгдүүлнэ.
Хөдөө аж ахуйн гаралтай түүхий эд, бүтээгдэхүүний нөөцтэй уялдуулан боловсруулах үйлдвэрийн хүчин чадлыг нэмэгдүүлэх замаар хагас боловсруулсан бүтээгдэхүүний экспортын хувь хэмжээг бууруулан нэмүү өртөг шингэсэн эцсийн бүтээгдэхүүний экспортыг нэмэгдүүлнэ.
Шинжлэх ухаанд суурилсан өндөр технологи, блокчейн, хиймэл оюун ухааны ололтыг нэвтрүүлж, дижитал эдийн засгийн чиг хандлагад нийцсэн аж үйлдвэржилтийг хөгжүүлнэ.
Аж үйлдвэржилт нь дэвшилтэт техник, технологи, өндөр бүтээмж, өрсөлдөх чадвар бүхий экспортыг дэмжих, импортыг орлох үйлдвэрлэл үйлчилгээг хөгжүүлэн эдийн засгийн аюулгүй байдлыг хангадаг билээ.
Монгол Улсын эдийн засаг уул уурхайн буюу нүүрс, зэс, төмрийн хүдэр, алт гэсэн цөөн тооны бүтээгдэхүүний экспорт дээр тогтож байгаа ба
90 хувь нь уул уурхайн бүтээгдэхүүн
90 хувийг боловсруулалгүй хямд үнээр гаргадаг
90 хувийг гадаадаас худалдан авдаг
Энэ нь аж үйлдвэржилтийн бодлого алдагдсаныг харуулж байна.
Бодлогын хүрээнд нэмүү өртөг шингэсэн уул уурхай, хөдөө аж ахуйн эцсийн бүтээгдэхүүн боловсруулах үйлдвэрүүдийг үе шаттайгаар байгуулах нийт 5 багц аж үйлдвэржилтийн төсөл батлагджээ.
Үүнд арьс шир боловсруулах, нүүрс, зэсийн баяжмал боловсруулах үйлдвэрүүд, махны үйлдвэр, гангийн үйлдвэр, ил ба далд уурхайн төслүүд, үйлдвэрлэл технологийн паркууд багтаж байна.
Аж үйлдвэржилтийн сэргэлт нь ХАА-н түүхий эд нөөцийг шинжлэх ухаан, дэвшилтэд технологитой уялдуулан боловсруулж, нэмүү өртөг шингэсэн үйлдвэрлэлийг хөгжүүлэн, дотоодын хэрэгцээг хангаж, экспортыг нэмэгдүүлнэ.
ДНБ-д эзлэх боловсруулах аж үйлдвэрийн салбарын хувь 15%-иар нэмэгдэнэ
Арьс шир боловсруулалтын түвшин 60%-иар нэмэгдэнэ
Түлш шатахууны дотоод хангалт 55%-иар нэмэгдэнэ
Нийт экспортын хэмжээ 30 тэрбум ам.доллароор нэмэгдэнэ
Аж үйлдвэржилтийн сэргэлт, түүний хэрэгжилтийн эргэн тойронд
Эрдэнэс Монгол ХХК-ны нээлттэй болон нөөц бүрдүүлэх ажлын байрны сонгон шалгаруулалтын ажлын хэсэг өнөөдөр /2023.02.03/ тестийн шалгалтын болон ярилцлагын нэгдсэн дүнг эцэслэж, ажлын байр тус бүр дээрх шалгаруулалтын дүнг “Эрдэнэс Монгол” ХХК-ийн гүйцэтгэх захирал С.Наранцогтод хүлээлгэн өглөө.
Шинэ сэргэлтийн бодлогын хурдасгуур төв АНУ-ын Худалдааны яамтай хамтран “Арилжааны эрх зүйн хөгжлийн хөтөлбөр”-ийг хэрэгжүүлж байна. Тус хөтөлбөрийн хүрээнд яам, агентлаг, байгууллагын нийт 40 гаруй төлөөлөгчдөд Дэд бүтцийн төлөвлөлтийн стратеги (Infrastructure Planning Strategy)-н чиглэлээр сургалт явуулж байна.
Эдийн засгийн өсөлтийг хязгаарлагч хүчин зүйлсийг тодорхойлж, залруулах бодлогыг хэрэгжүүлэх төлөвлөгөөг Ерөнхий сайд Л.Оюун-Эрдэнийн санаачилга дор Засгийн газар боловсруулаад буй нь “Шинэ сэргэлтийн бодлого” юм.
Шинэ сэргэлтийн бодлогын хурдасгуур төв УТҮГ-аас төрийн жинхэнэ албан хаагчийг сонгон шалгаруулах 2023 оны шалгалтад зориулан сорил боловсруулж, тус төвийн гүйцэтгэх захирал Б.Дөлгөөн Төрийн албаны зөвлөлийн дарга Б.Баатарзоригт хүлээлгэн өглөө.
Монгол, Хятадын хилийн Шивээхүрэн-Сэхэ, Ханги-Мандал, Бичигт-Зүүнхатавч боомтын хил дамнасан төмөр замын бүтээн байгуулалтын асуудлаар Хятадын талтай ерөнхий хэлэлцээр хийхийг өчигдрийн Засгийн газрын хуралдаанаар холбогдох сайд нарт даалгасан байна.
